Техникалық және кәсіптік білім беру жүйесін жаңғырту

 2018-2019 оқу  жылында  07- қарашада  «Техникалық және кәсіптік білім беру жүйесін жаңғырту» атты кері байланыс ретінде колледжішілік семинар өтті. Семинарда колледж әдіскері О.Шамырханова сөз алып, семинардың мақсат-міндеттерімен танысытырып өтті.

 Семинардың бірінші  мәселесі бойынша   экономика пәні оқытушысы М.Қорғанбаева «ҚР техникалық және кәсіптік білім беру жүйесінде кәсіпкерлік қызмет және қаржылық құқықтық сауаттылықты дамыту»  атты   білім сатысын көтеруде алған  тәжірибелерімен бөлісті. Кәзіргі нарықтық экономикада кәсіпкерлікті дамыту және бизнес жоспар құру салдарын үйретті. Арнайы дайындалған слайдтар арқылы «Этно ауыл» жобасының жоспарын құруды түсіндірді. Бірінші мемлекетке және өзіне түсетін пайданы есептеу. Сонан соң кететін қаржының мөлшерін анықтау және маркетинг яғни жарнамалау жолдарын айтып өтті. 

   

 Екінші мәселе   «Техникалық және кәсіптік білім беру жүйесін жаңғырту жағдайындағы жалпы білім беретін пән оқытушыларының кәсіби құзыреттілігі» тақырып бойынша арнайы пән оқытушысы Қ.Бохаева алған тәжірибесімен бөлісті. Ол жаңартылған сабақ жоспарымен таныстырып өтті. Сабақ барысында сабақ арқылы жүзеге асатын мақсаттары, бағалау критерийлері, Тілдік мақсат, осыған дейін меңгерілген білім деп бөлімдер жазылу керектігін айтып түсіндірді. Сабақ жоспарында сонымен қатар жоспарланған уақыты, сабақ басы, сабақтың ортасы - түсіну, сабақтың соңы – қолдану, талдау, жинақтау, бағалау, кері байланыс, қосымша мәлімет, рефлекция, қорытынды бағалау бойынша өтетіндігін айтты.

    

 Үшінші мәселе бойынша  «Арнайы пәндерді (модульдерді) ағылшын тілінде CLIL, ТBLT әдістемелері және BOPPPS моделінің интеграциясы негізінде оқыту»  атты сабағымен арнайы пән оқытушысы Е.Жайлыбаев әдіс-тәсілдерімен бөлісіп, міндеттеріне тоқталды:

(1) Үш тілді білім беру шеңберінде тілдерді оқытуға бірыңғай стандартты әзірлеу есебінен бірыңғай білім беру ортасы контексінде үштілді білім берудің сабақтастығын қамтамасыз ету,

(2) тілдерді меңгеруге қойылатын талаптарға сәйкес оқу бағдарламаларының мазмұнын, оқыту ресурстарын және бағалау жүйесін жаңарту,

(3) Қазақстанда үш тілді білім беру саласында тиімді ғылыми зерттеулер жүргізуді қамтамасыз ету,

(4) үштілді білім беруді тиімді енгізу үшін педагог кадрларды даярлау және қайта даярлау жүйесін жетілдіру,

(5) мүдделі тараптардың тиімді өзара іс-қимылына ықпал ету (мемлекеттік органдар, білім беру ұйымдары, ҮЕҰ, бизнес құрылымдар, ата-аналар қоғамы, БАҚ және т. б.), Үш тілді т. б. енгізу процесін ақпараттық сүйемелдеуді қамтамасыз ету).

       CLIL – бұл пәндік білімді игеру мен тілдік құзыреттілікті жақсартуға қос фокуспен шет тілі арқылы тілдік емес пәнді оқыту тәсілін сипаттау үшін пайдаланылатын жалпы термин. CLIL әдістемесі болашақ түлектердің өз мамандығы шеңберінде қарым- қатынасты шет тілінде жүзеге асыруға мүмкіндік беретінін айтты

 

«Киелі де мұнайлы  дара шаңырақ – Жаңаөзен» атты колледжішілік  ғылыми-тәжірибелік конференция

 Жаңаөзен қызмет көрсету және жаңа технологиялар колледжінде 2018-2019 оқу жылында 26-шы қазанда Жаңаөзен қаласының 50 жылдығына орай «Киелі де мұнайлы  дара шаңырақ - Жаңаөзен» атты колледжішілік  ғылыми-тәжірибелік конференция өткізілді.

    

 Конференция мақсаты:

  • Туған жер бағдарламасын насихаттау арқылы оның мәдениеті мен шынайы патриотизмнің маңыздылығын ұғындыру.
  • Студенттердің  туған жерге, өлкеге деген сүйіспеншілігін арттырып, еліне деген мақтаныш сезімін ояту. 
  • Рухани құндылықтарды бойына сіңіру барысында көркем рухани қастерлі жердің  тарихымен танысу.
  • Жаңаөзен мұнайының ашылуы мен игерлуі жолында із қалдырған елеулі тұлғалар туралы ақпарат алу.

 Конференцияға 16 студент қатысты. Студенттерге колледж оқытушылар мен шеберлері ғылыми жетекшілік жасады. Акт залда ұйымдастырылған конференция өз деңгейінде жақсы өтті. Студенттер туған жеріне еліне деген патриоттық сезімдерін әр түрлі слайдтар мен бейнебаяндар арқылы баяндамаларын оқып, қорғап шықты. Рухани жаңғыру бағдарламасына сай елінің жерінің қасиетті шипалы өлкелерінде айта кетті.

    

 Жаңаөзен қаласының ардагер мұнайшыларынада тоқталды. Сонымен қатар әр түрлі мамандар дайындайтын оқу орындарыда айтылды. Конференцияның комиссия мүшелері қатысқан 16 студентті тыңдап, әділ бағаларын берді.

 Қорытындылай келе «Киелі де мұнайлы  дара шаңырақ - Жаңаөзен» атты колледжішілік  ғылыми-тәжірибелік конференцияда үздік баяндама ұсынған ғылыми жетекшісі  физика пәні оқытушысы Орын Анар  СД – 16 топ студенті Укибаев Каржаубай І дәрежелі дипломмен мараптталды. Ал ІІ дәрежелі дипломмен  Қонысов Абдрахман 131 топ студенті, ғылыми жетекшісі Джумағанбетова Тұрсынай марапатталды. ІІІ дәрежелі дипломмен ғылыми жетекшісі Н.Қарабалаева  133 топ студенті Тұрар Ердаулет мараптталды. Осылай конференция өз мәресіне жетті. Директордың ғылыми-әдістемелік жұмыстары жөніндегі орынбасары Р.Дүйсенбаева сөз сөйлеп қатысушылары өз алғысын айтты.

 ZERO.kz